寫於2009.03.06
柏翹，今日係你結婚既大日子，作為好兄弟既我唔可以親口同你講聲“恭喜”，真係好對唔住。
望住你身邊果個女仔，笑得好甜，你亦都笑得好幸福。
我相信，你揀既呢個人，一定可以比我帶到更多更開心既將來同回憶俾你。
但我可以發誓，你揀既呢個人，絕對唔會比我更愛你。因為世界上最愛李柏翹既人，係我，鐘立文。
雖然我知你永遠都唔會收到呢份結婚禮物，不過作為兄弟，連份禮物都唔買黎，就真係太無義氣了。
我唔知你會唔會中意份禮物，不過我覺得好襯你，我中有試過林你收到果時個樣，一定好似我老媽子咁，笑到見牙唔見眼。
哼哼。
我擺係到，如果有緣，上天會唔會俾你發現到呢份禮物呢。
“PC66336鐘立文！”
我轉過頭，以為你發現咗我。
原來只係幻覺。
李SIR講得啱，呢個num，會跟我一生一世。
唔阻你了，新娘子開始掟花球了。
啊，中有一樣野唔記得講，份禮物，系我用以前儲埋D錢買既，送俾你既野，我絕對唔會用污糟錢。
“文哥！走得未啊？”
“行得啦。催催催，催你條命咩。”
或者過咗好耐以後。又或者只係無耐之前。
“媽咪，你睇下，凳上面有個盒啊。”
“咦，係咪有人留低咗啊。女女，打開嚟睇下係咩嚟既？”
“哇，媽咪，系只鉆石戒指啊。”
-------------------------------------------------------------------
今日，我終於同我既另一半步入人生既另一個階段。但我始終，唔可以從心入面笑出嚟。
因為我最重要既你，已經唔會再係我身邊。
我望住身邊，呢個即將成為我太太既女仔。佢笑得好開心，好幸福。
但我呢？係人地眼中，我係咪都一樣笑得甘開心，甘幸福？無咗你既將來，我真係會過得更加好？
但若果今日你係到，我仲會唔會愿意企係呢度呢？
雖然有啲自私，但我知，因為你唔會再翻嚟，所以我選擇咗今日拖住我身邊呢個人隻手。
“PC66336鐘立文！”
我係心入面，再一次甘樣叫你。
即使，我知道你同呢個num唔會再有任何關係。
但我會一世記住。
我有林過，如果係我講出“我愿意”之前，你肯出現，返翻轉頭，我會即刻原諒你。
然後我地再一齊翻屋企，好似以前一樣，我監督你執下屋，你拿住零食同我睇波。
“柏翹！我地入去咯。”
“啊，嗯……好啊。”
我將戒指戴上個女仔手上，佢對住我笑咗笑。唔知點解，呢刻我反而林起你係學堂果時引我笑既日子。我忍唔住，輕輕笑出聲。
我掲起女仔既頭紗，瞇埋眼，係佢額頭錫咗啖。
呢個係我同你既吻別。即使我知道，你其實永遠都係我身邊。
或者過咗好耐以後。又或者只係無耐之前。
“哇，都唔知邊個甘大篩，連鉆石戒指都放係路邊。”
“喂，都未講完單case就掛住你啲鉆石。”
“唔係啊，柏翹，啱先有夥計話之前有人係路邊執到隻鉆石戒指啊，你估係邊個有錢佬甘憨居啊啦？”
“憨居唔憨居都唔關你事啦，做野啦。”
“咪就係，一日到黑就春心動。不過柏翹，隻戒指唔關佢事，不過就關你事了。”
“下？又關我事？”
“係啊係啊，柏翹，聽講隻戒指上面竟然刻住你個警員編號啊。”
當初學警狙擊的同人。哪怕自己現在看了，也依然覺得有種淡淡的心痛。
個人比較偏愛的一篇。（話說我都只能寫短篇吶！混蛋！ 
[0回]
PR
